افضل محلات العطارة في القصيم | مضمونة و موثوقة

افضل محلات العطارة بالقصيم

قبل كم يوم كنت ابحث عن احد انواع البهارات, سألت اكثر من شخص و كل شخص ينصحني بمحل مختلف عن الي قبله, حتى اني سويت قائمة بأسماء المحلات هذي و في يوم من الايام شديت حيلي شوي و زرت هذي المحلات بحكم اني اساسا مهتم بهذا المجال و دايم ابحث عن اجود الانواع لبيتي, بعد ما تعبت في عملية البحث هذي و حتى ما يضيع مجهودي قررت اني اكتبها كدليل لأي احد ممكن يستفيد منها, و راح اتكلم في هذا الدليل عن افضل محلات العطارة بالقصيم ( بريده , عنيزه , الرس , البكيرية , البدائع , المذنب ) و كل عطار راح اكتب رقم التواصل معه سواء جوال او تليفون و اذا كان لهم انستقرام او تويتر او اي حساب لهم في مواقع التواصل الاجتماعي الاخرى.

القصيم و العطارة قصه لا تنتهي , اهلها يقدرون و يعشقون اي شي له علاقة بمجال العطارة من بهارات و ادوية شعبية و اعشاب وغيرها , و دائما الاهتمام و العمل الجاد يجيب نتيجة وحدة بس و هي النجاح والابداع ,  لذا دائما هم محل ثقة و اهل للاستشارة اذا كان الامر يتعلق بهذا الشأن.

الجانب السيئ من اهتمام كثير من سكان المنطقة بالعطاره هو ظهور عينات مالهم خبره في هذا المجال و صاروا يشتغلون فيه لانهم شافوا فلان نجح او لمجرد التقليد, و المشكله هنا انك لما تبغى تشتري راح تتعب في البحث عن الافضل و راح ينتهي بك المطاف انك تشتري اي شيء, لذا انت تحتاج الى دليل يسهل لك عملية البحث و يختصر عليك الوقت و من هنا جاءت فكرة هذا المقال.

افضل محلات العطارة في القصيم

صانع البهارات

بديت بهذا العطار لانه المفضل عندي و انصح به بقوة, حتى الآن ماله مقر محدد و يبيع عن طريق الانترنت, عنده منتج واحد فقط و هو خلطة بهارات عجيبه و الميزه فيها انها تتناسب مع كل انواع الوجبات الشائعة عندنا مثل الكبسة و المكرونة و المرقوق و المندي وغيرها, حتى لو كنت تبي تفطر راح تكتشف انها تضبط مع الفول او العدس او البيض و راح تضيف للاكل مذاق خاص و رائحة شهية 😋

العطار هذا له قصة طريفة قبل يبدأ يبيع بهاراته و هي القصة الي بعدها اقتنع انه راح ينجح في هذا المجال, و القصه ان امه كانت كل فترة تخلط بهارات للاستخدام المنزلي و كانت تعزل له جزء عشان ياخذه للاستراحه الخاصة فيه و يستخدمه في الطبخ هناك, بعدين لاحظ ان البهارات تخلص بسرعة و بعد التحريات اكتشف ان زملائة بالاستراحة يسرقون منها و ياخذونها لبيوتهم 😂

طبعا هو حاليا يوصل لجميع محافظات القصيم فقط و تقدر تتواصل معه اذا كنت برى القصيم اذا كنت مستعد تدفع سعر الشحن على حسابك.

اذا حبيت تشتري منه لا تأجل الموضوع و تواصل معه من بدري لان عنده ضغط بالطلبات و لا يقدر يلحق لانه يشتغل لحاله بمجهود فردي, و كل ما اسرعت بالطلب كل ما وصلك طلبك بشكل اسرع.

للتواصل معه عن طريق الايميل اضغط هنا

محلات العطارين بريده

عطار الرسيني بريده

من العطارين المعروفين بحسن تعاملهم وامانتهم واهتمامهم بالزبون و المحل مرتب و التعامل فيه راقي جدا.

العنوان : حي العجيبة، 7917، بريدة 52355 اضغط هنا لعرض الموقع على خرائط قوقل

رقم الجوال : 055 515 0376

حساب الانستقرام : اضغط هنا

عطار الشايع بريده

الشايع للعطاره من المحلات المعروفه في بريده و اللي يشتغل فيه مواطن سعودي شغله نظيف و الجميع يتفق على انه خبير في هذا المجال, غير انه انسان متواضع وصادق لدرجة اذا كان عنده منتج و يشوف ان فيه محل آخر عنده نفس المنتج لكنه اجود من الي عنده راح يوصيك تروح تاخذه من المحل الآخر.

العنوان : حي العجيبة، بريدة 52355

رقم الجوال : 0505137653

الموقع الالكتروني للمحل : اضغط هنا

عطار الربيش بريده

الربيش للعطارة من المحلات المهتمة في الاعشاب وغيرها من منتجات العطارة.

العنوان : شارع الخزان، الصناعة، حي العجيبة، بريدة 52355

رقم الجوال : 0502031304

عطار الحمود بريده

الحمود للعطارة محل صغير و متكامل يبيع منتجات العطارة و خاصة البهارات الخاصة بالطبخ, صاحب المحل غالبا يشتغل بنفسه و يهتم لآراء الزبائن و مستعد يوفر طلباتهم.

العنوان : 2980 التغيرة، القويع، بريدة 52359 6165 التغيرة، القويع، بريدة 52359 6165

رقم الجوال : 0555157440

عطار الشومر بريده

من افضل المحلات في جودة المنتجات و الاسعار, الكثير يمدح في ترتيب المحل و نظافته و حسن تعامل البائعين, المحل يوفر جميع مواد العطارة و عنده ايضا قهوة مشهوره الكل يمدحها.

العنوان : 7668 طريق الأمير فيصل بن مشعل بن سعود، حي المنار، بريدة 52372

رقم التلفون : 0163816302

محلات العطارين عنيزه

عطار العساف عنيزة

كثير من الناس ادمنوا قهوة حمد العساف للقهوة و العطارة بالاضافة الى وجود جميع الاشياء الي تحتاجها, صاحب المحل سمح و معروف باخلاقة الطيبه و خبرته الكبيره في مجال العطارة الي تصل الى 30 سنه, و اغلب الناس يمدحون نظافة المحل و ترتيبة و اخلاق العاملين فيه.

العنوان : حي وسط المدينة، حي وسط المدينة،، عنيزة 56219 3414

رقم التلفون : 0163622996

حساب الانستقرام : اضغط هنا

عطار الرسيني عنيزه

الرسيني للاعشاب من المحلات الي تستاهل التجربة و عندهم منتجات جودته عاليه و لا انسى اذكر انهم من اقدم محلات العطارة في عنيزة, اسعارهم متوسطة و المحل مرتب و نظيف و بالنسبة لي اتمنى لو يكبرون المحل.

العنوان : زهور الريف, شارع الشيخ صالح القاضي، بجوار، عنيزة 56219

رقم التلفون : 0591110773

حساب الانستقرام : اضغط هنا

محلات العطارين الرس

عطار الخليج الرس

محل لبيع جميع لوازم العطارة, عنده منتجات توابل متميزه و عماله اخلاقهم عاليه.

العنوان : شارع علي بن ابي طالب , الرس 58891

رقم التلفون : 0163331637

حساب الانستقرام : اضغط هنا

عطار الوقيت الرس

الوقيت للعطارة من اعرق و اقدم العطارين في المنطقة منذ تاريخ 1986 م , متخصصون بالبهارات و الاعشاب والزيوت و المشروبات الصحية, المحل صغير بالنسبة لشهرته و يحتاج تنظيم اكثر عشان يكتمل الجمال.

العنوان : شارع الملك خالد بن عبدالعزيز، الملك فهد، الرس 58851

رقم التلفون : 0163381155

عطار ورقة عشبه الرس

يتميز المحل بالنظافة والترتيب والاهم من هذا الاسعار المناسبة للجميع , يتوفر فيه غالبية الخلطات و المكسرات والتمور وغيرها من المنتجات المتميزه, بداية المحل كانت في عام 1415 هـ.

العنوان : شارع الملك خالد بن عبدالعزيز، الملك فهد، الرس 58851

رقم الجوال : 0163337515

المتجر الالكتروني : اضغط هنا

حساب الانستقرام : اضغط هنا

حساب تويتر : اضغط هنا

عطار شموخ الرس

شموخ الرس للعطاره من المحلات المتميزه و مهتمين في مستحضرت التجميل وغيرها من باقي منتجات العطارة.

العنوان : شارع الملك خالد , مقابل الركن السويسري للساعات.

رقم الجوال (واتساب فقط) : 0537976056

حساب الانستقرام : اضغط هنا

محلات العطارين البكيريه

عطار الشمالي البكيريه

الشمالي للعطارة مكان متكامل ويغطي احتياجات المحافظة وقراها, المكان نظيف و مرتب وفي اغلب منتجات العطارة و لوازمها.

العنوان : شارع السوق التجاري، الفهد، البكيرية 52735

رقم الجوال : 0500529500

محلات العطارين المذنب

عطار الحواس المذنب

من اقدم محلات العطارة في المنطقة ويتميزون بالاصناف المتجدده, و الاهم من هذا كله اسعارهم مناسبة للجميع باستثناء بعض المنتجات, بالاضافة الى حسن التعامل و اهتمامهم بآراء الزبائن لدرجة انهم قد يوفرون اي منتج بمجرد ان تتواصل معهم و تعطيهم صورة او اي معلومات عن المنتج, يتوفر لديهم التوابل والاعشاب والشاي والقهوة و مستلزمات العناية بالبشرة والشعر و بعض المنتجات المستوردة.

العنوان : الجديدة، المذنب 56634

رقم التلفون : 0163420224

حساب الانستقرام : اضغط هنا

محلات العطارين البدائع

عطار الكيف البدائع

محل مميز و اثبت وجوده و يستحق الزيارة, عندهم منتجات العطارة و محامص القهوة والهيل و منتجات طبيعيه مثل التمر والزيوت و المعمول والكليجا والكثير من الاصناف الي يحتاجها كل بيت, سمعت كثير عن قهوتهم يمدحونها لكن للامانة ماجربتها.

العنوان : طريق الملك عبدالعزيز، الشيرمي، البدائع 56352

رقم التلفون : 0163327000

حساب الانستقرام : اضغط هنا

المتجر الالكتروني : اضغط هنا

النهاية

في نهاية هذا الدليل لازم اوضح نقطه مهمة وهي ان جميع المعلومات في هذا المقال هي آراء خاصة و ليست حقائق و هي عبارة عن مجهود فردي حاولت فيه ان اكون دقيق قدر المستطاع لكن كأي مجهود بشري هذ المعلومات قد يكون بها بعض الاخطاء.

توصيتي بهذه المحلات مجرد اعلام و تثقيف فقط, و اذا انت تعاملت مع احد هذه المحلات بناء على ما قرأته هنا, فأنت تعاملت معهم باختيارك و انا لا اتحمل اي مسؤوليات او تبعات تعاملك مع هذه المحلات.

القصيم مليئة بمحلات العطارة و لا اتوقع اني غطيت كل شيء بسبب اني اشتغلت عليه بمجهود فردي, و لو حاولت اغطي كل شيء راح اكتب اضعاف هذا المقال, لذا لا يزعلون علينا الي ما كتبنا اسماء محلاتهم و ياليت يكتبون لنا في التعليقات حتى نضيف اسماءهم مع التحديثات الدورية.

في كل فتره راح اسوي تحديث لهذا المقال و راح اكتب تاريخ التحديث في بداية المقال و التحديثات راح تكون عبارة عن اضافة لمحلات غير مذكورة او تصحيح لبعض البيانات.

لذا ياليت تكتبون في التعليقات اذا لاحظتوا ان اي من المحلات المعروفة غير مكتوب او اذا عندكم اي تصحيح لاي معلومة.